K2親子旅行
Daddy | 2009 年 12 月 21 日今年K2親子旅行的地方是元朗大棠荔枝莊。
我們首先隨大隊到繩網陣一帶攀爬和盪鞦韆。
第一次玩繩網的Brittany顯得戰戰競競……
來!握緊我的手吧!
玩了大約二十分鐘,老師就帶我們到下一個景點:餵飼區。
Brittany很喜歡餵羊,可是她卻很介意被山羊的舌頭舔到手指。
哈!被山羊舔了一口,馬上縮回小手。
還是兔子斯文一點。
餵掉兩杯紅蘿蔔,Brittany就走去餵錦鯉魚。
期間,Brittany突然向遠處大聲呼喊一位女同學:美羊羊(設計名字)!過黎吖!一齊餵魚吖!
美羊羊聽到Brittany的呼喚,就蹦蹦跳的跑過來跟她一邊餵魚、一邊說笑。
看見獨生的女兒擁有自己的社交,還越來越懂得跟別人相處…… 實在讓我們感到很高興。
這面放大鏡是老師在出發前派給小朋友的,Brittany整天都拿著它左看右看……
Brittany : Daddy,你過黎睇吓個望遠鏡吖!
Daddy : 都話係放大鏡囉……
Brittany : 吖!係喎。
吃過午飯,是自選項目。
我們就和竑熹同學一起踏「家庭式」腳踏車。 雖然只是匆匆的踏了二十分鐘,大家也玩得十分愉快。
最後,老師安排了兩個集體遊戲。 其中這個叫「救火」的遊戲很惹笑。
首先,飾演在火場被困的小朋友要舉起雙手,不斷呼叫:救我呀!救我呀!
然後,飾演消防員的家長就用呼拉圈逐個救出被困的小孩。
小鬼們舉起雙手呼叫:救我呀!救我呀!救我呀!……
哈哈~~天真的小孩,的確讓人忘憂。
美麗的謊言
Daddy | 2009 年 12 月 19 日大約一星期前,Brittany叫我代她寫了一封信給聖誕老人。
今天早上,她突然走來問我……
Brittany : Daddy,聖誕老人封信係咪寄咗喇?
我心虛的回答……
Daddy : 係呀…… 寄咗喇……
Brittany : 唔怪得我揾唔到啦!
其實我也忘了放在哪裡。
Daddy : 唔…..
Brittany : 你…係咪真係寄咗俾聖誕老人架?
Daddy : 係呀…..
Brittany : 係咪真架?
Daddy : 係呀…..
Brittany凝望著我……
Brittany : 你會唔會呃我架?呃我架?呃我架?(回音)
噢!我應該告訴她這個世界上根本沒有聖誕老人嗎?
還是繼續這個美麗的謊言呢?
我猶豫了一會…… 然後強裝堅定的說:
Daddy : 梗係無呃你啦!
Brittany : 嘻嘻……
Daddy還是覺得有聖誕老人的童年是會快樂一點的。
聖誕咭
Daddy | 2009 年 12 月 15 日聖誕將至,Brittany陸陸續續收到不少同學和朋友仔的聖誕咭。
Mammy也特意買了數十張聖誕咭予Brittany送給同學仔之用。
Daddy : 囡呀,你會送俾邊啲同學呀?
我故意試探一下Brittany跟哪些同學投緣。
Brittany : 唔……我淨係送俾女仔。
哈~那麼快跟男生壁壘分明嗎?
Daddy : 咁啲男同學會唔開心喎…… 不如送埋俾佢地啦!
Brittany : 好啦。
於是Mammy就負責寫信封和同學仔的名字;而Brittany就負責簽名、寫日期和貼上不同的貼紙。
母女二人忙了整個晚上。
回想去年的十二月,Brittany還未懂得寫自己的名字,只是在旁為聖誕咭貼上卡通貼紙罷了。
明年的聖誕,可能再不用我們為她代勞了。
雪地上的聖誕樹
Daddy | 2009 年 12 月 09 日這株雪地上的聖誕樹終於完成啦!
Brittany這小鬼最愛赤著雙腳走到白皚皚的「積雪」上,一邊擦腳掌一邊說:好舒服呀!嘻嘻……
聖誕過後,恐怕變成灰雪了!XD
親愛的媽媽
Daddy | 2009 年 12 月 07 日Daddy在公司忙過奧巴馬的時候,收到Brittany的電話……
Brittany : Daddy呀,你而家可唔可以教我寫個「愛」字呀?
Daddy : 吓?喺電話教呀?
Brittany : 嗯,你一路教、我一路寫。
電話教寫字?怎麼可能呢!
我帶點敷衍的回答……
Daddy : 一撇… 下面加三點… 跟住一頂帽… 帽入面寫個心字… 跟住一撇一劃… 下面寫個交叉。得唔得?
Brittany : 唔…… 咁個「的」字呢?
真的明白嗎?
我也無暇細問……
Daddy : 一撇… 下面一個日字… 跟住喺右手面寫一撇… 橫直勾… 入面再加一點。得唔得?
Brittany : 唔…… 咁個「媽」字呢?
Daddy : 囡,Daddy好忙呀…… 返黎先教你啦!
Brittany : 都係唔使喇!我識架喇!嘻嘻……
我半信半疑的掛線。
回到家裡……
嘿!原來Brittany畫了一張咭送給「親愛的媽媽」。
囡,寫得不錯啊!
Daddy下次教你寫「爸爸」啦……