五歲自畫像
Daddy | 2010 年 03 月 31 日
Daddy : 嘩！幅畫好靚呀！邊個嚟架？
Brittany : 係我嚟架！
如果小朋友的圖畫真的能夠反映其內心世界，Brittany應該很快樂吧！
Daddy : 點解啲雲咁得意嘅？
Brittany : 係呀，由遠至近嘅雲！
Daddy : 吓？
Brittany : 由近至遠嘅雲都得！
Daddy : 嗯……
完全不明白。
I love you too……
Daddy | 2010 年 03 月 30 日今天是Brittany第一天的復活節假期。
出門上班前，我靜悄悄的走到Brittany的床邊替她蓋好被子。
看著被窩裡睡得香甜的女兒，我不禁輕撫她的小臉蛋、低聲的對她說：I love you……
怎料，雙目還是緊閉的Brittany竟突然回應我一句：I love you too……
嘿！還以為Brittany熟睡的我，被嚇得倒抽一口涼氣！她緩緩張開那雙惺忪睡眼，甜絲絲的向我報以微笑。
Daddy : 囡…… 你咁早起身嘅？
Brittany : 嘻… 係呀，我個肚餓到咕咕聲呀！
我輕擁著女兒，良久也不願出門。
小鬼那句I love you too…… 讓我一整天都像個充了氣的皮球哩！
嘿！駁咀嗎？
Mammy | 2010 年 03 月 22 日
Brittany每天放學回家後，都會接到我好幾個電話……
放學後
Mammy : 放學嗱？ 今日返學開唔開心呀？
Brittany : 開心……（高八度）梗係開心啦！
Mammy : 咁快啲洗手、換衫、食嘢喇！
Brittany : 知道（高八度）!
午飯後
Mammy : 你食咗嘢嗱？ 咁依家做緊咩呀？
Brittany : 我做緊功課呀！ / 我畫緊畫送俾你呀！ / 我彈緊琴呀！
我們在電話裡的對話內容，每天都像錄音帶一樣不斷重覆。
今天……
Mammy : 食飽飯嗱？ 做緊咩呀？
Brittany : 哈哈哈…… 我咪同你講緊電話囉媽咪！
Mammy : @_@
三輪車遊長洲
Daddy | 2010 年 03 月 20 日趁炎夏未至，就帶Brittany多去一些戶外的活動吧！
光看標題，已經可以想到我這個三輪車伕又要出勤了……
很久沒見這個孖辮妹的造型了 。
叉腰、凸肚，樣子很神氣呀！
今天實在走運，竟給我們租了一架非常新淨的三輪車。
有Mammy在後排座位照顧著Brittany，我就可以沿途安心的欣賞風景、拍拍照，不用狼狼狽狽的瞻前顧後了。
其實，我們也是第一次在長洲踏腳踏車。
踏過才發現……長洲雖然小，原來有很多地方我們是從未去過的。
呵呵…終於有機會一試「龍捲風薯片」的滋味了！
我就覺得…… 還是「卡樂B、好食D」。
這間吃西餐的張保仔館，本來是我們打算晚膳的地方。可是踏著這架美食三輪車，我們就不停的吃、吃、吃……
冰果葫蘆、豆腐花、大菜糕……
到了晚飯的時間，大家一點也不肚餓啊！
吃飽了，一家人漫無目的的閒逛也是一種享受。
噢！我還以為是花店哩！
長洲方便醫院 Fong Bin Hospital……^^
回航的時候……
Brittany : Daddy，我好肚餓呀？
Daddy : 有無搞錯呀？頭先又話唔肚餓！
Brittany : 嘻嘻…
迪士尼星級款待
Daddy | 2010 年 03 月 11 日
豁達
Daddy | 2010 年 03 月 09 日 
認識Brittany的人都知道，她十分喜歡繪畫。在家裡也好、在餐廳也好，經常都會看見她拿著顏色筆在畫冊上（或是點心紙上…）全神貫注的不停畫。
每當Brittany畫完一幅自覺滿意的畫作，她總會喜孜孜的遞給我們評價一番……
Mammy : 嘩…… 好靚呀！
Daddy : 嗯，真係畫得好靚喎！
我們由衷的讚賞。
因為…在父母眼中，孩子每一幅作品都是名畫啊！
Brittany就讀的學校最近出版了一本畫冊，畫冊結集了校內幼稚園至小六學生們近年的美術作品。
Mammy知道Brittany一定會喜歡，所以馬上就預訂了。
收到畫冊後，Mammy帶點失望的告訴我，那本一百二十頁的畫冊內揭破了也找不到Brittany的畫作……
說真的，我都有點失望。
晚飯後，Brittany把畫冊拿了出來，如數家珍的向我細說同學們的美術作品：
Brittany : 嗱！呢幅就係刮畫。我地係用筆刮出嚟架，唔係畫架！…… 嗱！呢頁係我嗰班畫架！呢幅就係亞凡達（設計名字）畫嘅、呢幅就係史迪仔（設計名字）畫嘅……
我凝望著Brittany的眼睛，故意發問：
Daddy : 咦？點解無你啲畫嘅？
Brittany仍然面帶微笑、輕描淡寫的回答：
Brittany : 係呀！可能我畫得唔靚啦！
然後又繼續向我介紹其他同學的畫作。
那一刻，Daddy心裡竟有點酸……
可是卻很欣賞女兒那顆天真和豁達的心。
看來，我和Mammy也要向Brittany學習學習啊！
最新留言