五花大綁
Daddy | 2010 年 03 月 01 日有了上次「單車公園」的經驗，我今回學精了！
出門前，我先放下了沉甸甸的相機、穿上輕便的服飾；
接女兒放學後，我就帶她到圖書館換衣服、再將Brittany的校服和書包交予家傭帶回家；
吃過午飯，我們就到沙田單車徑租單車。
原來學精的不只我一人……
Brittany : Daddy，我想租有蓬嗰啲單車。
Daddy : 吓？咁咪即係我踩？
Brittany : 嘻嘻…係呀。
這款有蓬的單座位三輪車我也是第一次踏，車身既小巧又靈活，踏著它上斜落斜也不成問題，就算遇到單車徑上的欄杆也能輕輕鬆鬆的穿過。
車廂裡的Brittany乘著微風，一邊吃薯片、一邊欣賞沿途的風景。每次我回頭看她，她都會報上一個甜絲絲的微笑…..
Daddy : 開唔開心呀？
Brittany : 開心……
人生最快樂的莫過於此。
當我踏到科學園的時候，看見Brittany竟在顛簸不定的車廂中昏昏欲睡，便打算折返沙田。但貪吃的Brittany卻嚷著要吃冰條，我這個車伕只好繼續向前踏呀、踏呀、踏呀…
到了大埔海濱公園，終於看見賣冰條的攤檔。我把單車泊在一旁，然後就和Brittany吃冰條、喝檸檬茶。
回程的時候，Brittany真的睡著了……
我慢慢的將單車停下，把自己的背包掛在Brittany的胸前，然後再將背包的帶子緊緊的纏結在椅子上……
哈哈~~Brittany就這樣被我五花大綁的回到沙田！
雖然有點難看，但安全要緊啊！
哈哈, 踩三輪車都好過上次跑足兩個幾鐘吖嘛~~
Brittany已經好錫Daddy架喇~
爸爸+囡囡玩三輪車, 我幻想到一個好溫馨o既場面呀! (除咗五花大綁嗰幕…哈)
Daddy : 哈~今次舒服好多…
點解唔影低果張五花大綁相！
Mammy : 係囉 ….
嘩~!!!!!! 有蓬的單座位三輪車第一次見JA~! 一定方便好多啦~! 起碼出入隊道都唔駛就住D 鐵柱位~
哈哈, Brittany 真識嘆~! 海風+海景遊單車河~! 仲要食埋雪條同午睡添~~~~~
仲以為有五花大綁相睇添?! :p
應該有D 單車鋪可以沙田租車,大埔還車架~
Mammy : 應該有 ….
Daddy真係勁呀!! 成日放學去踏單車!!
Mammy : 兩次之嘛 !
真開心, daddy常常同brittany放學都有好多親子活動, 真溫馨呵!! 無鍺, 我都有問號, 點解無五花大綁相睇呀??
Mammy :
點解無五花大綁相睇?
Mammy :
咁舒服….比我都會訓著啦~~
daddy…你真係好好丫
原來沙田單車徑都可以踩呢隻單車…我一直以為無得租
可以話我知係邊到租ma ? 我表妹成日想去…但我次次都話因為無呢類單車，所以無得去
Mammy : 我諗係咪間間都有呀 ….?
Daddy : 我响沙田單車徑（沙田中央公園外）嘅單車鋪租架。據我所知成間鋪得三、四架，假日去未必租到。希望你表妹鍾意啦!
宜家仲可以踏呢D單車架咩??好似唔見有….乜唔係唔可以踏架咩??哈哈
Mammy : 有得租就即係可以啦 !
嘩….爸爸好犀利WOR! 可以載住Brittany由沙田踩到大埔, 真佩服
Mammy : 我聽到都俾佢地嚇一跳呀, 踩咁遠 >.<
想像Daddy將訓著左ge Brittany五花大綁，然後慢慢定定地將單車踩返沙田，
真係好warm好sweet 呢~~~真係羨慕Brittany有一個咁錫佢咁照顧佢ge好Daddy~~
想當年我想爸爸踏家庭單車，我爸爸都唔肯，係都要逼我自己踩兩個轆o個種，
自己踩出單車徑，由大圍踩去馬鞍山，再由馬鞍山踩返大圍…..T_T
Mammy : 我估你 Daddy 都係想你快 D 學識踩單車 ^^
Daddy : 咦….讚我喎。多謝、多謝。^^
好一個”五花大綁”…Daddy應該用手機影低先,等bribri醒左之後都可以睇返,自己係咁樣被人”運”返家嘛~XD
Mammy : 其實我都想睇 …….
父女情真好….好羡慕~~
有父親的教育,Brittany嘅性格一定好好!!
Mammy :
您真是一位好daddy呀!! brittany有您這位爸爸真係好幸福呀!!
沙田去大埔海濱公園都唔近架..您仲係踏三輪車woo..
又再踏返去沙田..犀利呀!!
Mammy : 我都話佢犀利呀 !!
Daddy : 謝呀….^0^
Daddy都成日想到唔同的節目同Brittany玩喎～
Mammy :
話說，papa以前都有咁車過我。話說，我成日都俾人五花大綁。
次次睇親bri都搞到我諗番起細個陣············
Mammy :
~~踩單車效野上~~好開心 \~.~/ ?
brittany識踩兩輪車未ga~~?
Mammy : 兩輪 + 兩輔助轆就識 ! ^^