討厭的茶餐廳
Daddy | 2010 年 09 月 08 日我很討厭這間茶餐廳!
因為每次到這裡來,Brittany都是生病的。就連侍應哥哥也忍不住說:妹妹,點解次次見親你都病嘅?
Daddy : 係呀… 响附近睇醫生嘛。
唉,開學一星期便病倒了。今次病得很兇,持續發高燒、發冷、頭暈、嘔吐,小鬼的喉頭更痛得連口水也嚥不下……
醫生說可能是患了「疱疹性咽峽炎」,還吩咐要多休息、多喝水… 更可以吃雪糕、喝凍飲。
嘿,本來沒精打彩的小鬼,一聽到可以吃雪糕、喝凍飲,亦不禁抖擻了一下。
可憐的小鬼晚上發的熱特別厲害,全身都火燙燙,活像一個小火爐…… 實在讓我們十分擔憂。
除了多喝水、敷冰墊,我還不斷用濕毛巾替她抹身體降溫。
不怕肉麻的Daddy又來了……
Daddy : 囡呀…
Brittany : 咩呀?
Daddy : 妳feel唔feel到Daddy好愛你呀?
哈,小鬼笑著點頭。
我心想… 妳長大後,可以找到一個跟我一樣愛妳的男人便好了……
我見到Brittany 食雲吞面呀….. 但佢喉嚨發炎(尤其是有庖疹)是唔可以食蝦架……會”發”架, 有排都唔好, 水餃都唔好, 因為裏面有筍, 又係好”毒”的
Mammy : 唔該晒你話我地知呀 !
bribri病都咁靚!!
Mammy : ^^
看完爸爸感性說話,完全感受到爸爸真的好愛鍚Brittany! 希望她長大後回看這些點滴,懂得如付孝順父母!
Mammy : =)
開學時通常都會這樣!
Bri爸唔通你以為講多D肉麻情話說話比BriBri聽,會令BriBri打多幾個冷震,幫助降溫!!!!!
Mammy : 可能真係幫到都唔定 ^^
Daddy : 係就好嘞!(苦笑…)
睇得出daddy真係好愛Bri, 常常都聽到佢對阿囡綿綿情話, 有如一對小情人, 唔知daddy對mammy都係唔係一樣咁情深, 咁浪漫呢?ha..ha…..
Daddy : 唔話你聽 ! ~.~
唔该,我想问下,点解你影BriBri动的时候不会模糊的,我用的是450D,究竟要点调啊?
Daddy : 客氣、客氣… 分享一下吧! 要影像清晰視乎現場環境、焦距、光圈、快門和ISO,當然還要看攝影者的手是否穩定。一般而言,我喜愛用光圈先決(AV),在室內用F 2.0 – F 2.8的光圈,ISO 400或以上,快門儘量使用安全快門(你用的鏡頭焦距是50mm的話,安全快門便是五十份之一秒)。大概是這樣吧! XP
哈哈, 真係睇到我毛管戙又眼濕濕… 阿貓仔都病咗, 你哋快d一齊好番!
Daddy : 祝貓仔早日康復! v_v
真係眼濕濕呀!!
Daddy : ^^ 同類啊!
我覺得愈大愈發現 揾唔到一個好似屋企人咁錫自己噶人喇!
Daddy : 親情和愛情總有點分別的。親情是無條件的,愛情就比較複雜了。
Get well soon little Brittany!!!
Daddy : Thanks Koo!! ^^
Brittany好返d未呀? 祝早日康復
Daddy : 多謝樂晴媽! 仲未好呀…
Take Care baby!!
Daddy : Thanks AnaPaPa!!
點解好似晴晴成日病甘嘅?
Daddy : 我都覺呀! 都唔知點解! 就女兒的飲食、運動量、清潔衛生,我們自問各方面都非常注意。可惜還是經常生病……唉…
竟然有d病是適宜飲凍飲咁好嘅 :p
bri bri 咁可愛, 一定會有好多人疼鍚~~
Daddy : 係呀! 因為喉嚨痛嘛! ^^
suresure, BriBri是位可愛女生,相信將來一定會好幸福架 =)
Mammy : 係咪架 ?
Bri Bri 咁靚咁可愛又咁乖巧, 一定會有好多人愛鍚!
雖然早左好多年, 但我都祝Bri Bri將來會搵到一個愛鍚你的好男人, 生活幸福快樂!!
Mammy : 多謝你既祝福呀 !! ^^
BRI BRI眞幸福~我相信”女兒喺爸爸上輩子的女朋友”呢個說法噶 哈哈哈 因爲我爸爸都很愛我!
Mammy : 你都好幸福呀 !
Bri Bri好D未,希望你星期一可返學:)..子衡都有D傷風咳,因這處溫差太大,早上涼中午很熱,起初又不懂除衫那就容易病了。點解啲Daddy咁鐘意同啲囡囡講這番話(心想… 妳長大後,可以找到一個跟我一樣愛妳的男人便好了……),曾幾何時至今我老公都講過這番話,唸起都有D回味….
Mammy : 你地都要小心身體呢 !!
哈哈 … 又真係幾令人回味既 ….. ^^
BRI DADDY最後一句話好令人感動,愿Bri快快好起來。
Mammy : 🙂
祝愿 Bri Bri早日康复!!为人父母都有同样想法吧。
我都时常趁个囡训着时同距讲:希望你长大后可以稳到一个爱锡你,如同妈咪这般爱锡你嘎男人。
Mammy : 相信為人父母既都有呢個想法 ! ^^
最近d細菌好厲害呀,一抵抗力差就會病,我都病緊~小心D!!!!!
Mammy : 咁你都要 take care 呀 ! 快 d 好返 !
依家 d 病菌真係好得人驚, 感冒都會死得人, 好恐怖 ~ ~ ~
但有時真係防不勝防, 都唔知仲可以做 d 乜 @_@
作為父母, 當兒女生病的時候, 總是心痛及擔心.
作為女兒的父親, 希望個女長大後,可以搵到個同自己一樣咁愛佢的男人.
作為兒子的母親, 希望個仔長大後,可以搵到個同自己一樣咁細心的女人.
但願他們健康長大後, 可以揾到”合心意”的另一半.
Mammy : haha ….. 又唔使咁快諗呢樣住 !
Daddy, 真係好sweet呢!! 唔知你對住Mammy果時有冇咁sweet呢? 希望bribri快d好番!
Mammy : 好返啦 ! ^^