K3親子旅行
Daddy | 2010 年 09 月 30 日囡,最後一年親子旅行了……
上了小學之後,我們就不可以跟妳一起參加學校的旅行啦!
過去兩年的親子旅行分別到了九龍公園和大棠荔枝莊,現在回想起來也彷似昨天的事情。
今次旅行的地點:西貢獅子會自然教育中心
出發前,每個小朋友都會獲贈一副玩具太陽眼鏡。可是Brittany戴上眼鏡竟彷如孫悟空戴上金剛圈一樣……
Brittany : 嘩!好緊呀……
哈.. 是你的頭顱太發達吧!(囡,與我無關呀… 少女時期的Mammy早已經有大頭妹這個稱號了!)
到了獅子會自然教育中心,數百名學生、家長和老師們就各據山頭玩集體遊戲。
以飲管傳橡筋、用前額運氣球。
今天的陽光雖然不算熾熱,但在戶外走一走已經足夠讓人汗流浹背。
玩完集體遊戲、拍過大合照,就到自由時間了。當大部份人趕著去參觀教育中心各式各樣的展館時,我們就先到冷氣充足的聰鳴茶座吃點小食以避過人潮。(果然聰明呀!嘩哈哈… )
以諾同學分享的史迪仔三文治值十分!十分可愛!
參觀展館後,我們並沒有隨大隊乘旅遊巴士回航,Brittany還馬上變身換上便服。因為…… 我們約了凱晴同學BBQ呀!
跟凱晴同學拍照時,突然走出來搞鬼的Brittany。嘿!好討厭的樣子……
我們先到西貢市中心嘆一個下午茶,然後再到附近的遊樂場盪鞦韆。
兩隻小鬼在燒烤場擺出來的姿勢非常「騎呢」!(實在找不到更好的形容詞。)
第一張相完全認唔到是bri bri ~好似是另一個靚女 :p~~
Daddy : 哈~ Bri Bri呢張相嘅表情同平時有啲唔同啫。
第一張相影得bri bri好瘦呀!
Daddy : 係呀! Bri Bri最近高咗、瘦咗,仲輕咗。
我中意走出來搞鬼的Brittany呀!!哈哈哈~~
兩個pretty girls好似twins咁喎~~擺pose好有主見呀!!
Daddy : 有主見? 搞鬼都鍾意?… 喜歡一個人果然是盲目的! XD
d姿勢…..好似係你教架喎!! Ha……..
期待下次再一齊去玩呀!!
Mammy : 哈哈 >>>> 我都好期待呀, 佢兩個互望都開心架, 唔使諗地方玩 !
啲pose唔騎呢喎, 幾型幾靚呀!
我都覺得好似twins呀~
Mammy : 仲要幾型 tim 呀 ?? haha …..
咁快有學校旅行!有點熱!
Mammy : 都係架 ^^
叔叔,乜BriBri間學校小學冇親子旅行嘅咩﹖好多學校都有個喎!!
Mammy : 係呀, 小學就唔使 Daddy Mammy 一齊去架啦 !
好似无内之前先至系K2亲子旅行
话甘快又一年勒?
小朋友的脚步已经快到我地有D追唔上嘞,bri bri大得慢D再慢D啦~~
Mammy : 其實未夠一年既, K2 既親子旅行係上年既 12 月 =)
原来唔系我老人痴呆~~
Mammy : =)
哈哈,大頭妹…..
好識搶鏡頭喔~~
Mammy : 🙂
bri bri真系幸福呀,每日妈咪都会帮自己打扮到靓一靓!!
Mammy : 有 Bri Bri 俾我幫佢扮靚, 係我好幸福至真 !
你們真利害!去完親子旅行後還可去BBQ!
如果是這星期才去就涼快許多了,晉熙一入到有冷氣的昆蟲館後就不願走呢!
你們去的BBQ塲地好似幾好,請問那間店?
Daddy : 那是朋友的燒烤店。有興趣的話,可以跟我聯絡。
請問這燒烤店有否網址?可否電郵給我?謝~
另:突然走出來搞鬼的Brittany,樣子討厭得來又可愛!^^
Mammy : 問咗再覆你 …