Hello Kitty手提電話
Daddy | 2009 年 08 月 31 日如果你在街上看見有小朋友拿著這台Hello Kitty電話自言自語的話，你可能以為它是玩具電話吧！
它是一台如假包換的流動電話哩！
除了通話之外，功能還有藍芽、拍照、MP3、收音機和電子遊戲等等……
還有原裝耳線、頸繩、電話套和手袋。
想不到我的電話簿裡，會這麼快有Brittany的電話號碼。
P.S. 多謝契爺、契媽。
廣告‧預告篇 II
Daddy | 2009 年 08 月 29 日
機緣巧合之下，Brittany接拍了一個平面廣告。
兩個小時的拍攝過程非常愉快，相信出來的效果應該不錯。
期待中……
鋼琴‧琴譜篇
Daddy | 2009 年 08 月 28 日三個多月前的琴譜。
一個月前的琴譜。
今天的琴譜。
短短三個多月，琴譜上色彩奪目的圖畫漸漸減少、五線譜上的音符也變得越來越複雜。
傍晚時份，我甫抵家中……
Brittany : Daddy，我練咗首歌呀！我彈俾你聽吖！
Daddy : 好呀！
看來……複雜的琴譜沒有把Brittany嚇倒啊！
牙齒檢查
Daddy | 2009 年 08 月 26 日兩粒如芝麻般大小的痱滋困擾了Brittany數天。
剛巧今天要做人生第一次的牙齒檢查。
在牙科診所等候期間……
Brittany : Daddy，你記得、記得叫牙醫唔好整到我嗰兩粒痱滋喎！
Daddy : 得喇！得喇！你好煩呀！
Brittany : 嘻嘻…
這個早上說了十遍八遍了！
今天實在走運！竟給我們遇到一個很有愛心和耐性的牙科醫生，還要是女生哩！（Brittany喜歡女生多一點啊！）
除了檢查牙齒和洗牙之外，還上了一課：如何刷牙。
牙醫對Brittany二十隻牙仔的整體評語都非常正面，可是當她知道Brittany愛吃零食之後就有點意見了……
牙醫 : 最好就唔好食咁多零食喇！特別係糖同埋朱古力，耐唔中食吓就好喇…… 仲有呀！汽水都唔好飲咁多呀！無益架！
Brittany : （沒有回應）
Daddy : 你聽唔聽到牙醫同你講乜嘢呀？
Brittany : 嗯。
一下子很難接受吧！XD
午飯的時候，我故意試探一下Brittany……
Daddy : 不如飲汽水吖！
Brittany : 唔飲喇……牙醫話無益架。
Daddy : 唔……乖喇！
只乖了一頓飯。
Brittany : Daddy，我可唔可以食粒珍寶珠呀！
Daddy : 你唔記得頭先牙醫講乜嘢咩？
Brittany : 記得… 牙醫話耐唔中食糖都得架！
Daddy : ………………
一邊理髮、一邊吃珍寶珠。
很「得戚」的樣子呀！
剪完了。
感覺好像比之前更長。XD
P.S. 200
多啦美
Daddy | 2009 年 08 月 25 日
我抱著昏昏欲睡的Brittany途經商場的玩具店外，她突然精神一掁的指著一台扭蛋機。
Brittany : Daddy，我想扭蛋呀！
Daddy : 又扭？
看看扭蛋機上的樣本圖片，分別是三款不同表情的多啦A夢和多啦美。
樣子都算可愛。
十二大元….
Daddy : 好啦！
可是我們依足扭蛋機的指示也扭不出蛋來……
玩具店老闆檢查後證實是扭蛋機壞了，他索性打開扭蛋機的機殼，讓我們隨意挑選一款。
發達啦！
Daddy : 囡，你揀啦！
Brittany : 我要多啦美。
Daddy : 多啦A夢靚啲喎……
Brittany : 我鍾意多啦美。
Daddy : 點解呀！
Brittany : 因為我鍾意女仔。
Daddy : 嗯。
離開玩具店之後……
Daddy : 囡呀，你唔鍾意男仔咩？
Brittany : 唔鍾意。
Daddy : 吓！Daddy都係男仔喎…… 你唔鍾意我呀？
Brittany : 鍾意……
Daddy : 有幾鍾意呀？會唔會同我結婚先？
Brittany : 梗係唔會啦。（很平靜的回答。）
Daddy : 點解呀？
Brittany : 因為你已經結咗婚喇！
Daddy : 你點知嘅？
Brittany : 我見過你同Mammy啲結婚相啦。
Daddy : 哦……
仙履奇緣 芭蕾舞劇
Daddy | 2009 年 08 月 23 日
今天我們約了竑熹同學到文化中心欣賞由香港芭蕾舞團演出的仙履奇緣。
出門前，我帶Brittany到洗手間……
Daddy : 囡呀，出門口前‘去廁所’係好習慣嚟架！
Brittany : 嗯，我就覺得… 出門口前‘食粒糖’先至係好習慣喎。
Daddy : 你就想！
Brittany : 嘻嘻~~
呢粒女哩……真係俾佢激死！^^
這還是我們第一次看芭蕾舞劇，實在很精采！看著舞蹈員（特別是女的…）的翩翩舞姿，一舉手、一投足都是那麼迷人、那麼賞心悅目。
不得不承認，自從女兒學芭蕾舞後，我們也漸漸愛上Ballet了。
最新留言