牙齒檢查
Daddy | 2009 年 08 月 26 日兩粒如芝麻般大小的痱滋困擾了Brittany數天。
剛巧今天要做人生第一次的牙齒檢查。
在牙科診所等候期間……
Brittany : Daddy,你記得、記得叫牙醫唔好整到我嗰兩粒痱滋喎!
Daddy : 得喇!得喇!你好煩呀!
Brittany : 嘻嘻…
這個早上說了十遍八遍了!
今天實在走運!竟給我們遇到一個很有愛心和耐性的牙科醫生,還要是女生哩!(Brittany喜歡女生多一點啊!)
除了檢查牙齒和洗牙之外,還上了一課:如何刷牙。
牙醫對Brittany二十隻牙仔的整體評語都非常正面,可是當她知道Brittany愛吃零食之後就有點意見了……
牙醫 : 最好就唔好食咁多零食喇!特別係糖同埋朱古力,耐唔中食吓就好喇…… 仲有呀!汽水都唔好飲咁多呀!無益架!
Brittany : (沒有回應)
Daddy : 你聽唔聽到牙醫同你講乜嘢呀?
Brittany : 嗯。
一下子很難接受吧!XD
午飯的時候,我故意試探一下Brittany……
Daddy : 不如飲汽水吖!
Brittany : 唔飲喇……牙醫話無益架。
Daddy : 唔……乖喇!
只乖了一頓飯。
Brittany : Daddy,我可唔可以食粒珍寶珠呀!
Daddy : 你唔記得頭先牙醫講乜嘢咩?
Brittany : 記得… 牙醫話耐唔中食糖都得架!
Daddy : ………………
一邊理髮、一邊吃珍寶珠。
很「得戚」的樣子呀!
剪完了。
感覺好像比之前更長。XD
P.S. 200
Brittany真係幾乖女bor..
無論睇牙醫定剪頭髮都坐定定:]]
我細個睇牙醫嗰時只會係驚到唔敢郁XDD
P.S.daddy,daddy…咁最後牙醫姐姐有無整到Brittany嗰兩粒痱滋丫?XD
Daddy : 哈哈~~梗係無啦!!
我一入到去就即刻同牙醫講喇!
跟住, 我同Brittany講:嗱, 我講咗喇!! XD
本來想留言o係”多啦美”’, 但係可以做第二個留言實來太吸引喇!
多啦美要12蚊,依家柳蛋真係好貴啊, 好彩可以自己簡,又好似抵番噃!
Mammy : 咁搞笑既, 留第幾個都唔緊要啦 ! 我地都係會覆架嘛 ^^
200篇blog喇﹖真係快~~
到底Brittany理唔理解到咩叫「耐唔中」呢﹖會唔會一日一粒叫「耐唔中」呢﹖XDDDD
呢頭講完o個頭就食珍寶珠,真係俾佢激到氣咳~~~~hahaha~~
btw,佢次次剪完頭髮同無剪係無分別~~XD
Mammy : C 姐姐果然犀利呀 ! 就咁 “P.S. 200” 你都睇得明 !!
哈哈 ! 我覺得 Brittany 對「耐唔中」呢幾個字, 真係理解到不得了 !!
Brittany is so so so so girly with her new hair cut…. cute cute cute ar~~~~~*
Mammy : =]
係喎
第二百篇喇~~~
係咪要出返本書紀念下呢??
Brittany 真係乖架喇…係有少少拃傻扮懵姐~haha
Mammy : 都唔係少少啦 ^^
首先…恭喜哂,,,200篇!!!
Brittany d頭髮真係好似剪完仲長左-_____-
我都岩岩有痱滋..真係好痛,,,唔好怪Brittany講咁多次啦 🙂
一路洗頭,一路食珍寶珠….勁!!!
Mammy : 多謝多謝 !!
生痱滋又真係好痛苦既 =.=” 但唔知點解食珍寶珠又唔會覺得痛囉 ???
BRIBRI真係好搞笑….
睇佢食住珍寶珠個得戚樣…
好想「meet」佢個面珠一下…xd
haha….剪頭髮真係會愈剪愈長ga…
好多女生都係咁ga…xd….
不過只係因為剪薄左….視覺上長左姐….:)
Mammy : 好想「meet」佢個面珠一下 ….. 記得唔好搣到有痱滋嗰邊面珠 bor ^^
每個小朋友都係鐘意食糖及朱古力,當brittany聽到醫生叫佢唔好食咁多,我諗佢當時即時有d失落感, 哈哈!! 話時話點解brittany理髮完都好似無剪到嘅, 好似一樣咁長?
Mammy : 因為我同髮型師講 : ” 剪少少好啦喎 …..” XDDD
剪完頭髮o既brittany更加似mammy呀…… 好斯文。
She’s like a little lady. 開始散發少女味啦……
Mammy : 哈哈 …. 有人話我斯文呀 ! Yeah !!!
計我話…Brittany 應該係未換恆齒前食盡天下間所有的糖同朱古力. 嘻嘻.
Mammy : 萬萬不能呀 !! (我睇書講…. ) 乳齒保養得唔好既話, 對恆齒都會有影響架 ^^
你地係咪叫師傅”剪長D”呀^O^
Mammy : 係呀, 叫髮型師盡量同 Brittany 剪長 D !! Haha 🙂
我覺得自己好煩.. 次次都想講Brittany好靚呀~~
新髮型好靚呀~~
生痱滋有無食多D西瓜呀~
Mammmy : 點解會覺得自己煩呀 ??????? =)
我唔知道食西瓜有幫助添 @_@
我以為個p.s.200係解剪髮剪左200蚊tim..嚇死我..哈哈
Mammy : 咁你都諗到既 ? =]
好久沒留言了!
最尾果張相好攞命, 根本就係一個少女既迷你迷你版, brittany越來越似媽咪咁令女
p.s. 好奇點解可以入到牙醫度仲影埋相既….得咩? 我哲哲最近d牙好多一點點黑色, 唔知係咪蛀牙呢…但佢得歲半, 點帶佢睇牙醫呀…..
Mammy : 好似係大人既卡通版 ^^
我諗最緊要唔好影到個醫生同姑娘, 都 OK 既 ….
我估你講嗰 d 一點點黑色, 應該未必係蛀牙黎, 我知道有好多小朋友都有呢個情況出現 …… 其實 Brittany 大概歲半時, 都有類似既情況出現過, 當時都好緊張呀 !!! 但問過醫生, 話呢 d 只係 “漬” 黎, 有 d 人既牙齒表層會比較容易有咁既情況出現 …. 之後過咗一排, d 黑色點點又無端端冇咗嘞 =)
但最好都係俾醫生睇睇啦 ! 如果擔心哲哲唔肯睇牙醫, 你不妨試試用相機影低佢 d 牙仔, 萬一唔肯 “開口”, 都有相睇嘛 !
Daddy : 係呀! 我影之前問咗牙醫同護士,佢地話可以影得我先影架!^^
因為食珍寶珠可以自己就住黎食
咪唔會痛囉…加上食甜野,,點會痛呢..Brittany可??
Daddy : 可你個頭!! XD
Brittany 真係好靚,似足媽咪咁靚女!又得意喎!其實係我同事介紹我睇呢個網頁既…(因為佢知我鍾意小朋友,特別係女仔…哈哈!重女輕男!),至於我個同事,佢話佢都係人地介紹佢睇嫁喎!
我想問點解你地既網誌最遠只係可以睇到2008年6月既?係唔係你地0個陣先開始寫嫁?有無0的佢bb0個陣既相睇嫁?佢出世一定已經好靚嫁喇!
Daddy : 多謝你的讚美。^____^
這個網誌是上年十月才開始寫的。
偶爾…我都會post brittany的嬰兒照啊!
我都以為係剪頭髮200蚊呀, hahaha
brittany去邊度檢查牙齒呀, 乜有時男醫生有時女醫生咩
Daddy : 係Mammy預約,所以我唔知係女牙醫嘛。^^