開心大發現
Daddy | 2010 年 12 月 12 日數天前在家中吃晚飯時……
Mammy : Brittany呀,我哋呢個星期日去迪士尼喎!
Brittany : 好呀!
Mammy : 哈哈… 我想換多幾個米奇波波呀!
Brittany : Mammy呀,我想買隻 Duffy呀!
其實上次去迪士尼,Brittany已經很喜歡Duffy……
Mammy : 我都鍾意… 但係唔買喇… 你已經有幾隻bear bear啦!
Brittany : 但係Duffy唔同架… 我真係好鍾意…
Mammy : 咁你一係叫聖誕老人送俾你囉!
Brittany : 哈哈… 梗係唔係啦!聖誕老人送第二樣嘢,隻Duffy你買咪得囉!哈哈……
Mammy : 吓?咁都得?
我和小鬼在樂園裡千挑萬選也找不到一頭合眼緣的小熊,不是咀太尖、咀太扁,就是高低眼。眾裡尋牠,售貨員姐姐擁著的那頭小熊,我一看見就喜歡了。
Daddy:請問… 我可唔可以買你攬住呢隻呀?
售貨員姐姐笑著回答:嗯,梗係可以啦!
就是這樣,家裡又添了一名成員。
晚飯後,我們趕不及到城堡前看煙花,於是就乾脆在旋轉木馬旁邊觀看。
原來在城堡後方不但可以近距離觀看煙花在頭頂上綻放,還可以聽到隆隆巨響和嗅到淡淡的火葯味。我們和竑熹兩家人都興奮得哇哇大叫!
哈!想不到去了多次迪士尼還有開心大發現!