老花
Daddy | 2010 年 12 月 05 日四歲的時候,Brittany已經在母嬰健康院驗過一次眼睛了。由於驗眼的過程簡單得接近兒嬉,謹慎的Mammy就安排了小鬼到視光診所再驗一次。
視光診所的設備很專業(我認為…),驗眼過程也非常仔細。檢查的範圍包括近視、遠視、眼壓、青光眼、視網膜、眼角膜弧度,還有甚麼黃斑點。
我一向認為小鬼視力正常,看東西也看得清楚,要花錢再驗眼睛總感到有點多此一舉。可是在診所等候驗眼結果時,我的心情竟有點緊張……
不久,視光師姐姐拿著報告跟我們說:妹妹兩隻眼睛都好健康喎… 左邊眼有120度遠視、右邊眼呢,就有150度遠視,不過就唔使戴眼鏡。
百多度遠視還說健康?我沒有聽錯吧!當時,我看見Mammy氣定神閒的微笑,心想:個女老花呀!仲笑?
視光師姐姐續說,絕大部份的小朋友都會有遠視,隨著年紀的增長,眼球內的晶體會漸漸壓扁,視力就會回復正常。如果現在沒有遠視的話,將來就很大可能會大近視了。
噓… 原來是這樣!
在茶餐廳一邊看電視一邊吃通粉的小鬼。
第一個!!! 自備spoon?!
Daddy : 係呀。咁都睇得出?
個女老花xD
Daddy : 嚇得我吖! XD
遠視係遠視,老花係老花,兩樣野黎喎~ XD~~
Daddy : 吓? 唔係一樣嘅咩?
Bri Bri 對眼咁精靈~~梗是好健康la~
老花是又近視又遠視ar, daddy你唔是已經開始有 la ma… :p
Daddy : 嘿! 我連咩叫老花都未攪得掂,又點會有呢! XDXDXD
是的…..我地有次去POLY驗眼視光師都係這樣說的, 小朋友有遠視係好正常, 望都望佢繼續有, 無晒遠視就會開始係近視0架喇, 我個女就已經無晒遠視LU!! 講開眼睛….有樣野想同妳地分享下, 日後盡可能都吾好比女女用鉛心筆, 係會好影響眼睛的!!
Mammy : 雖然我暫時都冇打算俾 Bri 用鉛芯筆, 因為佢仲細個嘛 ….
但我都好想知點解會影響眼睛呀 …. 我一直只係覺得鈤芯筆寫字唔靚咋 !
哈哈~我都老花。。自细就花 花到而家廿三岁仲花紧。。
Mammy : 哈哈 … 其實我都唔知點樣係老花 ^^
daddy永遠都捕捉倒bri bri最靚o既一面,就連食通粉咁簡單o既事,都變得很美
哲哲mammy
Mammy : 多謝 ^^
小朋友揸鉛心筆時係會自自然然越揸越底, 其一係因為會有手汗, 其二係因為塑膠質料, 咁就會遮住左d光, 跟住個頭就會吾覺吾覺咁越望超低, 日子耐左對眼就會有毛病! 以上內容係由另一位視光師提供的……… 🙂
Mammy : 原來係咁 !!! 咁真係唔好用啦, 又壞眼, 寫字又唔靚 ^^
……………… 跟住個頭就會吾覺吾覺咁越望”越”低……………….
Mammy : ^^
子濠都一樣有遠視, 我最初都好似你地咁諗, 吓, 遠視??????????? 不過, 真相大白之後, 我都放心好多.
Mammy : 🙂
由小三開始做近視妹,
直到宜家左眼四百五,右眼五百近視:$
可能我細個無遠視@@
真係第一次聽小朋友係要有小小遠視先okay.新知識
Mammy : 我都係依家先知咋 !