甜酸薯條
Daddy | 2009 年 05 月 21 日接女兒放學後,我每次都會先帶她吃下午茶,而我們最常到的地方就是茶餐廳和麥當奴。
開學大半年來,Brittany在茶餐廳的口味不斷在變:
最初,她喜歡吃西多士、飲紅豆冰;
漸漸地,她愛吃牛肉通粉配紅豆冰;
後來,Brittany又轉了吃奶油包、飲凍好立克;
最近她仍愛吃奶油包,但凍好立克就換上了紙包朱古力奶。
若是到麥當奴的話,Brittany就會指定吃開心樂園餐的麥樂雞、薯條和飲鮮奶,一直都沒有改變……
煎炸的食物總是最受小朋友歡迎吧!
薯條和茄汁本是絕配。
Brittany卻喜歡以薯條來配麥樂雞的甜酸醬哩!
我都好中意甜酸薯條架,好食過茄汁,Brittany真識食,會唔會變肥妹仔架,
Hee
Mammy : 放心放心, 我一定會好好睇住既, 不過少少肥都 OK 啦 ^^
我都好鍾意薯條點甜酸醬架,別有一番風味!!!
好識揀呀Brittany ^^
Mammy : 我就覺得乜都唔點最好食 …..
哈哈~ 又是第三個留言….連續三篇entry 也是呀~! XP
甜酸醬+薯條 <– 我細個也喜歡這樣配搭, 但現在還是覺得茄汁吸引~!
Mammy : 哈哈 …. 又會咁啱既 ?? ^^
小朋友都係古靈精怪的 我小時候仲衰到薯條點雪糕添 =P
我想知 brittany是甚麼星座的?
Mammy : 點雪糕 …. Brittany 都試過啦 !! 甚麼星座 ? 好似係山羊座掛 ….. 我唔係咁知呢 D 西洋野呢 ^^
Brittany好幸福丫^^
有daddy日日帶佢食下午茶….好羨慕丫*v*
仲培訓Brittany做”小食家”添!>v<
btw…甜酸薯條真係好好味嫁!! XD
Mammy : OH !! 唔係日日架 …. Daddy 放假先會去接 Brittany 放學同埋食下午茶架咋 !!
我地都係. . . . .
Mammy : 係咪架 ????
brittany 果然識食, 我都鍾意咁食 🙂
daddy 份工咁好既, 可以0係下午茶之前放工既?!! 介唔介意問你做邊行呀?
Mammy : 哈哈 …. Daddy 只係放假咋 !! 下午茶之前放工 ?? 我地都想呀 ^^
其實都起碼食得落肚仲幾好味” 🙂
我d朋友鍾意一班人嘅時候,
攞杯可樂混d茄汁,甜酸醬,泰式辣醬等等…..噁”
Mammy : 吓 ??? 可樂 + 茄汁 + 甜酸醬 + 泰式辣醬 ?? 我諗到都想嘔喎 ~ ~ ~
煎炸的食物的確是小朋友好喜愛的食物.. 不過吃得多會熱氣架!! 唔成日食都ok ^^
而我去麥當奴通常都會外買only叫包包… 就是豬柳蛋漢堡 or 火腿扒包
Mammy : 咦, 我既口味同你差唔多喎, 我都鍾意食火腿扒包, 同埋豬柳漢堡 (我麻麻地蛋 ~ ~)
哇…Brittany都轉款轉得幾快..:)
薯條配甜酸醬真係好好味架..最衰要叫麥樂雞先有甜酸醬
係咪皇仁對面間麥當勞丫??
(如果係..最衰而家唔洗返學,,如果唔係有機會去麥當勞,,撞到Brittany 🙁 )
Mammy : Brittany 都唔算轉款轉得快啦, 佢鍾意食嗰 D, 會次次都食架 …. 成日都唔試新野既 =.=
在CoCo未出生前, Mamimi曾住在BriBri學校附近. . .
那兒有一間名為”奇香冰室”的舊式茶餐廳, 茄汁會牛意、三實會通, 架央多、豆冰, 通通好正!
奇香冰室就在勝利道(i.e.火車橋後2條街, 好多寵物店的), 近亞皆老街那邊匕
有空下次去試試看 =)
Mammy : 唔知係咪就係 Daddy 經常帶 Brittany 去嗰間呢 ??
我細個去麥當奴鍾意用Jam搽 Hashbrown. 好好味架. 唔知Brittany 有無試過呢?
Mammy : Brittany 都好鍾意食果 Jam 架, 特別係士多啤梨味 …. ^^
Hi 你哋好
我經你們朋友介紹觀看你們的網詀已有一段時間
daddy 很有心机影相和寫blog
昨天看亞視時見到你個女個廣告
她真的很可愛及令人喜歡
令人涼透心
Mammy : 多謝你 Brenda !! 哈 ! 但令人涼透心既 …. 應該係部冷氣機噃 ^^
唔通daddy係做公務員??
因為我baba係公務員..
都係會一星期有1-2日假期嫁*
(不過就唔係去食下午茶,而係同我地去行山/跑步嚕x]])
Mammy : 乜個個公務員都係一星期有1-2日假期架, 係咪架 ?? 好健康既活動噃 ^^
小孩子,還是胖一點可愛
又好「搣」,又好摟~~XDDD
小時候家裡不算有錢,媽很少會讓我們在街上吃東西
最大的快樂就是去麥當勞了
最喜歡吃開心樂團餐,有得吃,又有新玩具
我還記得,第一次推出開心樂園餐,是在我小四的時候
當時第一個推出的玩具,是個在黃色木桶自轉的麥當勞叔叔(當時daddy mummy在唸中學?XD)
這樣就過了十四年了(自爆年齡~~XDDD)
說不定將來也會帶著我的女兒去吃啊~~~o*﹏*o
p.s.以前吃麥當勞,是很平民的東西~~
可是麥當勞一直在加價,說不定幾年後,連開心樂園餐都成了有錢人玩意了~~XDDD
Mammy : 好同意啊 !! 小孩子,還是胖一點可愛 !! 但又唔可以過肥 …. 唔健康嘛 !!
哈哈, 我細個時既麥當勞, 邊有開心樂園餐架 ~ ~ ~
我都覺得麥當勞愈來愈貴啦, 真係又貴又冇益 !!
真開心, 真幸福! 一放學就去嘆下午茶,點解次次都係daddy接放學, mammy會唔會有時都去接呀? 不過真係唔好食得太多麥記, 無益呀.
Mammy : 噢 ! 我去過接 1 次咁多咋 ….. 因為我既工作時間係最死板既工作時間, 要去就要請假 =.=
我鐘意茄汁多d 呢^^
Mammy : 咁大部份人都係既 !
哈哈~~ Brittany個樣好為食呀~~
Brittany鍾意食既野我全部都好鍾意食架 ~~haha
好識食呀佢~ 第時大個可能係個食家黎 😀
Mammy : 唔好呀 !! 食家通常都好肥 XDDDD
死啦,整咩我變咗訪客架???
Mammy : 唔使死 wor ~ ~ ~
鐘意茄汁多d個個係我wor>.<
Mammy : 收到 ^^
睇左你地個BLOG好多好多次..
不過都係第一次留咋>_<”
不過近排有DIP MUGGETS”
就有機會點甜酸醬LA 呵呵!
Daddy : 咦, 試下都好喎!! ^^Thanks Sarah!
我都係薯條配麥樂雞既甜酸醬架!!
超好味 😛
哈哈Brittany果然識食!!
Daddy : 係咪真架?! 個個都點甜酸醬? XD
「我細個時既麥當勞, 邊有開心樂園餐架」
言下之意,難道daddy mummy在十四年前,開心樂園餐推出之時
已經唸完了書??~~~XDDDDDDD
這幾天不知為甚麼,常常在食麥當勞
吃到厭之餘,腰圍更是瀕危=.=
當真是萬般帶不走,唯有肉隨身哪
鍾晴要小心點~~~~XD
Daddy : Rema, 你不如直接問我地幾多歲啦!
不過,我地……係唔會答你架! XD
我就覺得讀萬卷書不如食麥當勞!! XD
D薯條放響細細粒ge Britanny前面變得好似好多咁=p
Daddy : 係呀!兒童餐仲少D薯條添!=D
i used to like the Mcdonald’s sundie (ice-creme) with french fries….. actually it is good !!!
Daddy : 下! 又咸又甜、又熱又凍…貢特別? 😛
我同朋友都係鍾意薯條配甜酸醬多過配茄汁^_^
Mammy : 原來依家大部份人既口味都變咗啦 …..
每次留言都想說一句: brittany好靚女呀~不過驚妳地以為我例行公事, 其實係睇見brittany既相就不其然有哩個感覺。
brittany好幸福呀, 經常有爸爸接放學。
Mammy : 你太過獎啦 Cathy ^^
我都中意薯條點甜酸醬:P好味道!!!XD
Mammy : 你地係真唔係呀 …. 個個都鍾意點甜酸醬既 ??