雨中的小蝸牛
Daddy | 2009 年 09 月 16 日整個早上都下著傍陀大雨,
可是我卻應承了Brittany到學校接她放學……
還未出門,我都可以想像得到,在下雨天撐著雨傘、背著書包,拖著小孩的狼狽。
在我面前有兩個選擇:
去吧! 和 快點去吧!
我選擇了快點去吧!XDXDXD
結果如我所料,果然狼狽萬分…… 除了頭髮之外,我幾乎全身濕透。
Brittany呢?比平時更興奮。
她穿著漂亮的公主雨衣,每經過一些水窪,她就故意大力去踩,水花四濺,鞋襪都濕透了,她卻高興地哈哈笑。
嘿!真失策…… 竟忘了帶雨靴。
回家途中,Brittany突然大叫:
Brittany:蝸牛呀!我第一次見到蝸牛咋!
讀萬卷書不如行萬里路又一鐵證!XD
我撐著雨傘,在路邊跟Brittany上一堂生物課。
期間,我伸手指向蝸牛的眼睛……
Brittany:唔好呀!佢會好驚架!
她緊張和認真地按著我的右手。
我立即把手縮回來,向Brittany報以一個微笑。
這已經不是第一次了!
早兩星期在泳池的時候,我看見有蜻蜓在水面上飛舞,就頑皮的向牠們潑水……
Brittany也是立即把我制止:
Brittany:唔好啦!佢地會死架!
Daddy : …… 好啦!我放過佢地啦!
Brittany:嘻!
心地善良的孩子,長大了也壞不到那裡吧!^^
BriBri有一顆善良的心,全因她有善良的雙親和一個充滿愛的家…… (叔叔姨姨打擾了,這是我媽媽叫我替她打的。) 嘻嘻~~我是一個F.1仔:-P
Daddy : 不打擾、不打擾…很窩心的留言。謝謝!!
haha第一幅相brittany好似笑到傻左咁, 可以想像佢有幾興奮 :p
Mammy : Brittany 係傻架嘛 XDDDD
我說嘛, 好孩子是教不壞的.
Mammy : 希望 Brittany 真係一個教不壞既好孩子啦 !
Brittany 好有愛心呢。
Mammy : 🙂
今天是我替熟人baby-sit的第一天
bb班小朋友是和brittany同一學校的呢
天氣整蠱我 令送bb坐校車也變得好狼狽
著雨衣又怕她流汗 她人仔細細唔可以自己擔遮要抱
好怕好怕自己會銑低 好怕校車姨姨接手濕晒前功盡廢
想雙手抱住佢 又要旨意佢攞住把遮
唔知佢攞住把遮無力先 定係我單手抱自己攞遮會無力先
……………………..
Mammy : 想像得到你既狼狽 ^^ 但我睇得出你好細心啊 !!
哈哈…最尾張相唔多似Brittany
下次記得幫佢著返對雨靴丫…. 著皮鞋白襪,濕左好辛苦 🙂
Brittany好有愛心…我都希望呢份愛心可以陪住佢成長
我琴晚係到諗,唔知呢個blog會唔會寫到我將來結婚呢
因為鍾晴blog令我同男朋友更加渴望有家庭,有小朋友
daddy mammy..你地要努力keep住寫呀
Mammy : 等你地既好消息呀 !!
善良的小公主
Mammy : =D
張蝸牛好得意啊···細個陣好鐘意落雨後出花園睇蝸牛爬····睇下睇下就過成個鐘····
有水窪當然要大大力踩拉···XDDD
發覺俾Bri勾起我好多回憶····
Mammy : 人大咗…. 係好鍾意諗返以前細個既事 ….^^
如果見到會吸血既蚊,你地兩個父母會點做呢,拍唔拍死佢呢?你估Brittany 會唔會叫你地放過佢呢?哈哈….
Mammy : 唔好玩啦 ! =.=”
頑皮的daddy……第一次見到呢個形容詞用係daddy身上, haha, 唔多襯!!
Mammy : 我同你諗法一樣啊 ! XDDDDD
Bri好可爱啊.、 那件粉色雨衣的背影真cute!
祝Bri 越来越漂亮. 还有她的爸爸,妈妈越来越幸福甜蜜哦!
Mammy : 多謝 Jogin 既祝福 ^^
我覺得bribri掩住耳仔0個張都幾搞笑wo…..
我記得我細個0既時候都好中意踩水tum….
但係結果係比mama罵到7彩:(…..
Mammy : 我細個就鍾意將水鞋鞋底既公仔…周圍踩, 印到周圍都係 ^^
brittany有顆善良的心,希望佢可以一直keep住到大個,貢獻社會做更多幫助別人ge事啦~~^_^
不過daddy真係好殘忍………..搵水潑蜻蜓都有ge…………….=.=””
Mammy : 我都希望 Brittany 呢顆善良的心, 可以永遠不變啊 !!
呢個 Daddy 今次又係幫唔落既 ^^
Daddy : 嘿! C姐姐, 我點止殘忍呀! 仲心狠手辣添! 嘿嘿……XD
Brittany Daddy, 原來你係一個咁殘忍既人!!! 睇錯左你啦, hahahaha
Mammy : 呢個先係 Daddy 既真面目, 哈哈 >>>>>>
唔知點解 每次看到個BB可以的表情 心裏面就會變得很溫暖
看著他每次鬼馬的表情 感覺她很古靈精怪 我念她大個女之後
一定會系個好有愛心又鬼馬精靈既 大美人姐~~~~~(^U^)
Mammy : 古靈精怪就一定有佢份 !!
嘩! daddy你好殘忍呀, 好彩brittany無遺傳你d惡行,brittany人又靚心底又善良, 希望佢將來都keep 住e顆心,長大後一定係一位人見人愛大美人呵!!
Mammy : 可能 Brittany 未敢咋 XDDD
Daddy : =_=”
好乖好善良嘅小朋友!:)
我媽咪話我細個都好乖,一歲幾見到樓下有婆婆避雨我就擔凳仔比佢坐。XDXD
Daddy : 又真係幾乖喎。
睇完你呢篇網誌…..令我諗返起……有一次同阿女返學又係落好鬼大雨, 天橋蓋滑落黎0既雨水簡直就好似瀑布一樣, 但又無辦法一定要行過去…..唯有頂硬上….一手抱住個女…..擔住把遮…..仲要拎埋書包同自己個手袋……勁狼狽…..不過阿女就好鬼興奮好開心……當時見到佢咁開心…..自己就覺得一件咁狼狽0既事居然可以變成一件咁開心0既事…….
Mammy : 我完全想像到你當時個樣呀 !! 真係狼狽到不得了 ^^ 其實我估只係我地驚個小朋友整濕身 …. 佢地都唔知幾鍾意, 覺得幾咁好玩 XDDDD
brittany好善良呀……如果係乖女女佢一定會叫好爸爸捉返屋企玩啫……
Mammy : 我覺得乖女女唔係捉返去玩噃, 係帶返屋企照顧 !! 佢同好爸爸先係真真正正有愛心呀 !! (我仲記得你地隻小穀牛 ^^)
brittany外表和內心都很美麗..
Mammy : 多謝靚靚讚美啊 ^^