單車公園……
Daddy | 2010 年 02 月 01 日過去，Brittany只是偶爾在公園和學校踏單車，卻從未試過在任何單車徑或者道路上踏過……
今天接了Brittany放學後，Daddy忽發奇想……
Daddy : 囡呀，Daddy帶你去踩單車好唔好呀？
Brittany : 好呀！
父女二人草草吃過午飯，就即興地到了大圍。
實不相瞞…… 其實我只是想帶Brittany到大圍的單車公園。
怎料找了一會兒……
咦！單車公園呢？
問過途人，才知道單車公園已關閉多時……
Brittany : Daddy，到未呀？
我只好硬著頭皮，立即到附近的單車鋪租了一輛有輔助輪的單車予Brittany。
然後就憑著久遠的記憶，嘗試帶Brittany到城門河畔踏單車。
一路上，完全沒有路面經驗的Brittany表現得很緊張，過馬路的時候情況更甚。
我又何嘗不是呢！
到了單車徑之後，Brittany這小鬼越來越大膽、越大膽踏得越快！
我就像瘋子般徒步追趕著Brittany……
所以大部份騎單車的照片也只是拍得背面。XD
踏得累了、跑得倦了，我們就買些雪條、凍飲坐下來休息一下。
這個下午，Brittany斷斷續續踏了差不多三個小時哩！
囡……Daddy跑得好辛苦啊！
Brittany都幾叻…..我表妹仲未識用力踩-____-
唔換衫套校服去街..曳曳!!!
我屋企係附近咋…..可惜我唔係今日踩單車 ><
Mammy : 換咗件衫啦
Cherryll: Daddy冇租單車踩?
難怪追個女追得好辛苦 XD
Mammy : Daddy 要照顧 Bri 嘛, 點會有得踩 >.<
Brittany’s expressions are tooooo cute.
Reminds me of the days when I was a kid biking in Tai Wai.
Too bad it’s not there anymore.
Definitely brings a smile to my face when you say “咦！單車公園呢？” and all Brittany does is ask if you guys are there yet, haha.
Mammy : 我都係諗起細個時去單車公園 ^^
都是值得geh~
P.S. 可以當減肥 :p
Mammy : 咁易減到就好咯 !
真係難為了爸爸,爸爸真偉大!
Mammy :
其實在九龍城城寨公園都有單車徑同租單車服務!
Mammy : 知道 ^^
HELLO! 沙田可算是踩單車的好地方, 除了您們去的城門河, 在沙田圍(河畔花園旁)有一個’交通城’. 模擬小型交通公園,供踩單車呢~ 我細個都係在公園學識!
Mammy : 聽落好似幾得意噃 ! 有機會要去下至得 ^^
每次睇日誌都可以感受到Daddy 同 Mammy 對Brittany 噶愛~
Daddy 同 Mammy 好幸福,有個咁得意噶囡~
Mammy : 可惜 …. 我尋日冇份去 =.=”
Daddy 咁多假咁好既!!! 單車公園真係執左好耐啦!!
brittany 快d學踩2個輪, 因為愈大愈難學, 我0係美國d friend 3歲已經識2個輪!!! 好勁!
Mammy : 好勁啊 !
哇~Daddy…三個鐘…好犀利呀!!!
我今朝都係像瘋子般徒步追趕著我表侄女呀~~
踩完單車仲要捉迷藏、大灰狼與小白兔、捉依茵。。。
一陣我已經頂唔順啦~~~
Daddy : 一啲都唔犀利…我而家周身骨痛呀!
Daddy每次的回覆總令人發笑! 好開心呀!
Mammy : ^_^
hehe, 忘記寫名tim.
Mammy : ^o^
真好, 放左學可以同daddy去玩
仲三個鐘咁耐
有好多人想同daddy食餐飯都唔得..
Brittany好幸福 =D
Daddy : ^__^
又會咁搞笑既, 只租一架車, 跑足三粒鐘真係唔可以睇小@.@
Daddy : 我要做‘護法’嘛! 所以咪淨係租一架車囉。XD
24 孝daddy. 仲要”咩”住個大相機呢.
Daddy : 係呀….仲有Brittany嘅書包、外套等等。
我今朝起身周身痛，好似俾人打咗一身咁。>.<
Daddy拍的照片好寫意，怎麼不去當攝影師，嘻嘻。看著Bri的照片好有童年的感覺。
謝謝daddy.
Daddy : 過獎了。照片感覺寫意，是因為昨天不是假期，人流稀少罷了。不用謝呀!
Daddy 份工可以放平日都幾好, 去邊都不多人. 如果星期六 / 日及假期, 一定迫爆, 怎可以咁自在, 成條單車路踩哂呀.
Daddy : 無錯! 我都鍾意放閒日，去邊都少啲人。
哈哈 我星期六去左大圍踩
果然平日係少人好多
Mammy :
啊~~~ 大圍單車公園啊~
那裡是我這個七十後青春回憶的住處~ XDDDD
仲有青龍水上樂園呢~ XDDD
Mammy : 唔講都唔記得咗曾經有個青龍水上樂園 XDDD
哈哈,諗起細個時同家姐玩,家姐係前面踩單車,我係後面跑,不過唔記得個遊戲叫咩名lu~
Mammy : 哈哈 …. 有名架咩 ?
好似係搵樹葉扮紅綠燈XD
Mammy :
brittany真係追死男士……就算唔死, 都一身散呀。XD~~~~
Mammy : XD~~~~
馬鞍山的海濱長廊也是不錯的地方,這兒是剛啓用的,有單車徑,兒童遊樂設備,可遠望八仙嶺.我和以諾去過一次後,他嚷着要再去,但真係幾”金”吓.
Mammy : 有機會又要去試下 !
haa…Brittany真係好得2..佢平時乖5乖架??
佢學新野好似好快上手wo…XDD!!
Mammy : 乖架 ! 唔曳既時候
我諗起9龍城個個..
哈.. 我呢排成日經BRIBRI學校..
Mammy : ^_^
我一直都好想問daddy同mammy究竟系用咩相機咩鏡頭咖呢
D相好靚啊~~
Daddy : 多謝。^^ 我主要用Canon EOS 5D 相機同埋50mm F1.4鏡頭。
daddy一定唔係住沙田啦~~
我呢d沙田柚，細細個學踩單車就o係大圍個單車公園，但係執左好耐喇，
依家搬左去馬鞍山亞公角附近~~
至於之前有guest講o個個「交通城」，o係正我屋企樓下咋~~
免費入場，但最好自攜單車，佢o個度無得租單車ga~~
城門河真係一個踩單車ge好地方，我成日都o係度踩，好好玩！
不過就辛苦左daddy徒步追單車喇！仲要三個鐘咁長時間tim~~
小心老骨頭會散呀~~XDDD
Mammy : 哈哈 >>>> 冇咁易 !!
太離譜，個單車公園折左成十年都有！
能夠平日只得老豆同啊囡放學後出去玩玩，感覺簡直同私奔一樣！
Mammy : 哈哈… 最搞笑係, 我都以為仲有單車公園 XDD
大圍單車公園真係無左好耐la! 而家馬鞍山就有一個, 搭馬鐵到大水坑站, 再沿路行15分鐘就到, 果度租單車好平, 租1日都係15元。之前都帶過晴晴去踩, 沿住單車路一踩, 環繞左半個馬鞍山, 晴晴好鐘意呢! 踩單車又有益又平宜, 真係一個好好既親子活動
Mammy : $15 一日, 又真係好平喎 !
難為了BRI 爸爸,不過見到運動後雙臉紅紅既brittany應該好滿足。
Daddy : 係呀! 最緊要個女開心…
BRI個水杯好靚啊 乜牌子咖 等我都幫我表妹仔買個 佢都勁愛粉紅色
Mammy : 哈哈 …. 考起我添, 我都冇理到係咩牌子, 只知永安和 Citysuper 有售 ^.^
昨天2月6日我在小巴見到你地一家人
我好開心呀!不過我冇同你地say hello 因為唔想阻住你地
daddy你一下車時都見到我架!!你記唔記得呀!
Mammy : ^_^
Daddy : um…….:P
下次記得叫我地喎!
Brittany斷斷續續踏了差不多三個小時… 犀利呀!!
果然有精力呀!! 每次我踩完單車隻腳都會酸軟架..
bri bri有冇話腳攰攰呀??
Mammy : 佢話冇喎 …..
咁OUT呀, 我識你果陣個單車公園都已經拆左十世啦
Mammy : 我地都唔知講咩好啦 ! >.<
Daddy : 嘿…我而家唔夠你IN啦!
终于等到更新啦·~~
你女女又高咗哦~~
Daddy : 係呀! 最近啲睡衣吊哂腳添! XD
我個仔上星期五(4/Jun/2010)學識踩2輪單車, 他已經3歲3個月了!!
Mammy : 3歲3個月就學識踩兩輪單車, 真係好叻 wor !!