Brittany@Singapore (Day 2)
Daddy | 2010 年 03 月 04 日在酒店吃完早餐後,我們就展開第二天的行程了。
我們首先坐環島巴士往聖淘沙的海底世界。
下車不久,怕熱怕得要命的Brittany已經顯得沒精打采。
嘿!喝一瓶冰凍的檸檬茶好一點吧!
喝罷,小鬼含著珍寶珠問我:Daddy呀,我似唔似食煙呀?
Daddy : 似呀!仲好核突添!
到了冷氣開放的海底世界,Brittany頓時生龍活虎起來。
Brittany : 嘩!你睇吓!
這數條是我覺得可愛、Brittany覺得有趣、Mammy覺得非常核突的海洋生物。
這裡的海底世界跟香港海洋公園的水族館相比也絕不遜色。
那條透明的海底隧道更有自動步行道帶遊人漫步欣賞滿佈魚群的海底世界。
然後我們就走到酷熱的Dolphin Lagoon欣賞海狗(海獅?)和海豚的表演。
一邊吃雪糕一邊看表演的Brittany突然向我扮鬼臉……
相信是熱到發了瘋吧!
Dolphin Lagoon的表演大約十多分鐘就完結了…… 個人覺得這場表演沒有甚麼觀賞價值,除非對海狗或海豚很有興趣,否則不看也罷。
斜坡滑車、吊車
這些「刺激」的玩意,Mammy一向避之則吉,幸好有小英雄願意陪我玩。
買票前……
Daddy : 囡呀,你敢唔敢坐呢啲吊車呀?
Brittany : 我驚對拖鞋甩出嚟喎。
Daddy : 哈哈~~唔驚…… 我幫你攞住咪得囉!
Brittany : 好呀!
其實身高110cm的小童已經可以獨自玩這款斜坡滑車。
不過……還是坐在我的懷裡安全一些吧!
穿紅衣那個就是我,Brittany的身影被我的虎背熊腰完全遮蓋了。
我們從十二層樓高的斜坡向下滑行,拐過一彎又一彎的跑道,到了斜坡底部就轉坐吊車返回起點。
坐在吊車上遠眺聖淘沙的景色,感覺份外怡人。小英雄一點也不畏高, 不過依然很怕熱……
Build-A-Bear Workshop
傍晚,我們就帶了Brittany到Build-A-Bear Workshop自製毛公仔。(這是今次來新加坡的重點項目之一哩!)
那裡有不同款色的小熊、小羊、猴子和老虎等毛公仔讓人隨意挑選。
Brittany這小鬼是挺有眼光的…… 嘿!她揀選了全店最貴的小熊啊!
在店員的協助下,Brittany以腳踏為小熊注入棉花。
然後,店員就將一顆心交予Brittany給我們親吻和許願……
那顆心放進小熊的身體後,店員就隨即把其背部縫上。
Brittany接過注入了生命和願望的小熊,就立即帶她洗刷一番。
洗刷完畢,母女二人就在店內團團轉,為小熊配襯衣服和飾物。
最後就選了一套婚紗…… (那隻小熊不是雄性嗎?)
每隻毛公仔都會獲贈一張出世紙,Brittany並為小熊取名為Candy。
Can D,觀迎你呀! (Can D是我們對Candy的暱稱呀!)
singapore而家幾多度丫 ? 我見到都熱死 🙂
mammy無搭吊車…咁玩”斜坡滑車”,有daddy背影既相係邊個影架?
Brittany真係好誠心許願喎…哈哈~
仲有…隻CAN D著婚紗實在太搞笑…哈哈!!! 我記得細個時候HK都有個”小熊國”..又係有呢d野玩..可惜執左lu~~~
Mammy : 大概 26-32 度, 但我覺得時時都係 32 度 =.=”
除咗我, 仲有邊個會去影 Daddy 既背影呢 …..??
哈哈, 我玩左兩次 斜坡滑車、吊車
因為細佬lur住要玩多次..
本來淨係叫佢自己玩多次..
之後見: $22/ 4 (in singapore.)
$11/ 1-_-
咁就梗係全部又再上多次xd!哈哈,,
太精明啦我地呢班消費者xd~~~~
之後一定有去睇song of the sea la??
我姑丈有份整架d lighteningss 同佈景!xd
好好睇xd
Mammy : 都知道 Song of the Sea 值得睇, 但我地冇去 =.=”
點解呀?
咁你個晚係SENTOSA做左D咩呀-_-?
實在太令我震驚啦..
有好多人係為左呢個去SENTOSA…-3-
你地竟然… 唉也..
唔緊要.
哈哈. 我有一半既片..
下半場相機冇電=,=
Mammy : 哈哈 …. 震驚咁誇張 ? 咁我地唔係為左呢個去Sentosa 啊 !
haha Brittany 食雪糕幅相好似留左鬚嘅英俊小混混~~
Mammy : XDDD
幫雄性bear bear著婚紗我真係忍唔住笑左出黎~~
係咪少女情懷總是詩呢﹖brittany細細個都係對結婚好有憧憬同幻想~~haha~~
睇d相真係好熱呀,brittany有無曬黑呀﹖咁熱ge天氣真係令我對singapore卻步tim……
Mammy : Brittany 諗都冇諗過隻 bear 係男仔 =.=”
斜坡滑車好好玩WO~!
但係如果控制得唔好係咪會撞車架?
好似好多人玩咁呀~!
那款吊車我都好鍾意坐~! 好刺激架~! XD
Mammy : 我見好多小朋友都玩, 我估應該唔會太難控制掛 ?
款吊車我以前去雲南旅行都坐過XXD
D魚又真係幾得意,咩魚黎架?
Mammy : 咩名 …. 我唔記得咗 lu =.=”
我估天氣真係好熱了.. brittany熱到冇哂精神..塊面好似紅蘋果咁紅
Mammy : 熱到溶咗 …….
唔知bribri拎住熊bearbear個心時, 許咗個咩願呢??XP
Mammy : 我地都唔知呢 !
HI!~ long time haven’t leave a comment=)
I made a bear 5 years ago too!!~
and now I still kept it beside my bed and bring it everywhere:)
for trips^^ and I am turing 18 🙂
Mammy : Brittany 有時都會帶公仔出街架, 但我地只係俾佢帶隻細細既 🙂
Sophia果個係韓國整!
Mammy : 😀
哈哈
近排太忙喇
arm arm 先睇到呢個 post
好開心 Brittany 親手做既熊仔係用左我個名呀
咁樣 Brittany 咪會日日都掛住我囉
heehee~
Mammy : =)