有口難言
Daddy | 2011 年 01 月 14 日真的很高興…… 在小鬼最後一年的幼稚園生日會上,仍有機會擔任家長義工。
兩年前,Brittany K1的生日會上,我頭戴著粉紅色的免子耳朵、拿著一本特大圖書,向她和她的同學們說【棉花糖的早餐】。同學們一雙雙閃亮的眼睛和Daddy那份難為情得面紅耳熱的感覺,至今難忘。
K2生日會的時候,我和Brittany就一起來個親子說故事 —【親愛的聖誕老人 — 今年請不要來】。兩父女第一次拍檔,大家都好緊張,縱然在家裡多番排練,小鬼在演出時依然害羞得依偎在我身旁……
轉眼便K3了。校方安排了我在班房內跟同學們玩遊戲,幾經考慮後,我就選了Mammy建議的「有口難言」。
玩法不用多講吧!這二十多張字條呢… 我花了很多心機和時間啊!首先我要選一些K3小朋友都會認識的事物,然後就要考慮萬一他們做不來,我就要隨時粉墨登場。所以紙條上每一樣東西、人物或動作,我都是有把握做得到才列印出來的。
遊戲未開始前,我先來一個示範。我叫其中一個同學從我手上替我隨意抽一張字條,他抽了「籃球」 (幸好不是美人魚… ) 。然後我就假裝控球、躍起、射籃。可能是我做得太好的關係,我雙腳還未著地,所有同學都一起舉手搶答:打波、籃球、打籃球、籃球、籃球呀……
噓… 小鬼們的反應比我想像熱烈,感謝老師在旁替我控制秩序,不致造成騷亂。
到小鬼們出來做動作的時候,我在旁看得咬牙切齒,比他們還要緊張。有些同學真的做得不錯,例如芭蕾舞、剃鬚、打機、扭蛋等等,同學們很快就猜中;有些同學呢… 哈,做得完全不像… 但同學們都一樣猜得中!很厲害!最爆笑的一個動作是「結婚」,我安排了一男一女同學出來做動作,他們手挽手走近同學,我和老師就在旁配樂:登登登登、登登登登…… 竟然有同學答:生日。好純情啊!
晚上我跟小鬼洗澡時……
Daddy : 囡呀,你覺得今日Daddy响學校嘅表現點呀?
Brittany : 太……好!
Daddy : 真嘅?
Brittany : 嗯。
沒有讓你丟臉就好了。^^
同場加映:在百貨公司裡玩放濕機的小鬼……
好Enjoy喎!
蒸面 :p?
Daddy : 食蒸氣啩…. =_=
好一個好daddy, 請問變形金剛點做呢? 拍個video show 下黎睇, hahaha
Mammy : 哈哈 >>>
Daddy : 哈,文字演繹得啦! 首先扮一架行駛中嘅車,然後挺起胸膛扮機械人,貢咪得囉!
ok 喎!! haha
Mammy : 🙂
食蒸氣?好唔好味!!哈哈哈哈哈…
Mammy : 唔知食唔食得飽呢 @_@
咁屋企唔洗買電飯煲,買放濕機就得!
Mammy : 好似幾經濟咁 wor XD
daddy好有心思。
Mammy : ^^
我想睇bribri baba做美人魚呀!!今日大贈送啦,影黎比我地睇下^^
Daddy : 妹妹,咪咁傻啦… XD
好耐無黎啦,唔知你地仲記唔記得我呢?!
可能我只掛住自己嘅生日,竟然唔記得同Brittany講一聲生日快樂..
遲黎嘅祝福:Brittany,生日快樂哦~~又大一歲啦~
我點解會掛住自己嘅生日?!因為我系14號架啦
Daddy : 你個名咁特別,梗係記得你啦!
我都補祝你生日快樂啦!
Thinks~
哈哈..最後果張相笑死我
Daddy : ^_^
你 last 果句講到好似想摺blog咁…好驚!
Daddy : 應該無咁快嘅…