撈One
Daddy | 2009 年 06 月 27 日在餐廳內,Brittany發現餐紙上的廣告寫著「No. 1」……
Brittany : Mammy, 咩叫「No(音:撈)One」呀?
撈One!我們失儀的大笑……XD
Mammy : 咳…咳… 係Number One, 唔係撈One呀!No加一點係Number嘅簡寫。
Brittany : 嗯…Number One…即係第一,係咪?
Mammy : 係喇!^^
類似的情況,最近時有發生……
某天在街上,Brittany指著路牌問我:
Brittany : Daddy, 呢條係咪「高」打老道(窩打老道)呀?
Daddy : XD
又有一回,在圖書館裡……
Brittany : Daddy, 呢本書係咪叫長「頭」鹿(長頸鹿)呀!
Daddy : XD
囡,Daddy不是取笑你啊!
以你這個年紀,你懂的詞彙已經算很多了。^^
*********************************************
Brittany趁Mammy去洗手間的時候,又偷偷地吃冰……
Daddy : 哦…… 我話俾Mammy聽,你食冰!
Brittany : 唔係……我穿住之嘛!
Daddy : 哼!
有相為證!還想抵賴嗎?
食冰?
不可一、不可再!
haha…今次做第一先…..
想當年…仲係細個0既時候….唔識讀0個d字都係有邊讀邊…..(講到我好大個…..其實我依家都仲係好細過)xd…..
以前都會好似bribri咁成日穿冰食…..haha……唔知點解細個好鍾意咁做…..但係大個左就唔會再係咁la…….
Daddy : 哈哈~再大D啦!再大D你就會返轉頭好似小朋友咁架喇!真架!
最尾果句…….. 算唔算係GAG 來? XDDD
Daddy : 小小爛咁啦!XD
Brittany好叻嫁喇!~
起碼有嘗試既勇氣嘛!!
敢於嘗試,..第時一定會好叻女^^
———————————————-
哦…..我話俾Mammy聽,Daddy你見到Brittany食冰都唔阻止!XD
Daddy : XD…有…我影完就即刻阻止啦!不過佢照食之嘛!XD
係喎~ 仲未帶過契女去食冰喎~
等契爺下星期考完試,帶佢去食絕頂好味既冰啦!!!!
仲要唔駛排隊都有得食! XD
Mammy : 唔駛排隊嗰吓先最抵死 ^^
Brittany 鍾意食冰呀??
Mammy : 梗鍾意啦, 唔俾之嘛 @_@
Brittany好似瘦左甘既~~
Mammy : 可能係啦…. 唔使返學仲瞓少咗 ….
好攪笑ar..bri bri明明係食冰..但係就話係穿住..
我有個表妹都係咁..明明係丁腳..就話係企高d..
明明係挖鼻..就話係out痕..激氣得黎又好攪笑ar..哈哈哈!
Mammy : 我估個個小朋友都係咁 ^^
haha 人證物證俱在, 仲想抵賴? :p
Brittany食冰個樣都特別可愛~原諒你la~
Mammy : 咁都得 ?? =)
-3- 有相為證喔baby~”
嗯.. 你會唔會話”冇食丫,,lam下咋嘛xd”
xd! 唔可以咁曳曳架…
食得多氣管唔好=(
話時話,, 係唔係個個細佬都鍾意咁?
事關我細個個陣都係穿住黎食=P
ps. brittany最尾個張伸利相好怪耶,,
嗯.. 好似變左樣咁..-3-
可能我只係見過佢大笑個樣啦xd
Mammy : 好怪咩 ? 咪又係咁既樣 ^^
其實Brittany識字真係算多…比起我表妹已經算好叻
而家d小朋友咁鍾意話 “唔係丫…我xxx之麻” ,,,死口唔認自己有做架
原來Brittany都係咁XD”
Mammy : 因為 Brittany 都係小朋友嘛 !
係唔係驚啲冰係生水做所以唔俾食呀? 我細個阿媽話啲冰係生水做, 食咗會肚痛, 所以 No!
Mammy : 始終食咁多凍野都係唔好嘛 ^^
我都覺得brittnay好似瘦左, 還是影相甬度呢? 小朋友永遠都鍾意食凍冰冰嘅嘢呀!
Mammy : 係啦, 相信大部份既小朋友都係咁 …..
我都覺得Brittany大個左..
可能daddy mammy日日望住唔覺
Mammy : 都唔係架, 我地日日望住都覺架, 成日都唔捨得佢大得咁快 @_@
唔係丫媽咪! 唔同左樣架><
Mammy : 唔通 Brittany 唔同咗樣我都唔知 ? ^^
唔俾食冰… 咁食雪條/ 雪糕 得唔得㗎?
Mammy : 雪條雪糕就梗係得啦 ! 正正經經嘛….^^ 只要唔係咳就食得啦
唔俾食冰?
咁食雪條 /雪糕 得唔得㗎?
Mammy : 你一口氣問咗兩次…. 你驚我唔俾 Brittany 食嗎 ? XDDDD
看完Bri Bri呢兩張相, 我都覺得好似吃了冰一樣爽~
冰一樣精凝通透的皮膚, 人靚相靚 – 讚!!
Mammy : 哈哈 …. 晶瑩通透 ? 點解我唔覺既 🙂
請問…..你係咪開左facebook呢?
Mammy : 你問邊個呀姑姐 ? ^^
哈哈好耐無留言….;)
i like to eat ice also !!=)
yumyum….i like the melting feeling…..XD
點解brittany 件摟仔跌左>.<(last photo)
Mammy : 你唔講, 我都冇留意到件褸仔跌左 =.= Brittany 囉, 成日都話唔凍, 唔使著褸, 著咗又話唔使扣鈕 ….
有時小朋友問0既野都好攪笑0架…….
Mammy : 所以真係要記低架 ^^
哈…有時真係俾佢地笑c ka! 係呢….你有無帶鍾晴去睇冰河世紀3呀? 好好笑, 好好睇呀!
Mammy : 都諗住去睇呀 !