第一個獎座
Daddy | 2009 年 06 月 30 日大約兩星期前,Brittany的班主任致電告訴我們,Brittany獲得本年度班內的「常識獎」,並且會在幼兒班的結業禮上安排Brittany到學校的禮堂上台領獎。
噢!我只是想像一下Brittany上台領獎的畫面已經想哭……
可是,討厭的H1N1病毒卻把我女兒上台領獎的珍貴時刻也幻滅了!
今天本來是Brittany幼兒班的結業禮……
老師就安排了家長們下午到學校的班房拿取暑期作業和成績表等等。
趁著早上的空檔,我就帶近來經常呆在家裡的Brittany到樂園玩玩吧!
雖然Brittany已經去過多次Disneyland,但每次都是玩馳車天地、旋轉木馬、小飛象、咖啡杯和小小世界……
我們差不多三年沒有看獅子王慶典了,今天的Brittany看得興高采烈、拍爛手掌;跟一歲多的時候,實在雲泥之別。
另一個「新」玩樂點:UFO地帶玩水……
還以為Brittany會玩得很盡情,想不到她竟然小心奕奕、非常「錫身」。XD
換過衣服之後,我們就去學校了。
Brittany一上車就睡,睡到學校門外,我才弄醒她。
哈哈~~還未回魂的Brittany從老師手上呆呆的領了人生第一個獎座。
多謝老師!
多謝在場鼓掌的家長!
多謝竑熹和以諾同學的道賀!
這個小小「常識獎」,不但對Brittany有鼓勵的作用;對我和Mammy而言,也是一份教育子女的認同和肯定。
呆得很可愛..
恭喜,Daddy mammy教導真有方咧!
Mammy : 過獎啦 ….
叻女! 叻女!
竑熹和以諾同學好鬼馬. haha.
Mammy : 哈哈 >>>> 我睇到呢張相時, 都笑咗出黎, 真係好鬼馬 !!
個獎座好靚啊! 常識是父母的功勞, 衷心恭喜你們~
Mammy – 妳好捨得買衫被Bri Bri啊 (妳明嘅, keke~)
Mammy : 邊係呢 …. =)
Brittany好叻女!! 送你十個叻!!
Daddy & Mammy 功勞最大, 送多十個叻俾你哋! HAHA 🙂
Mammy : YEAH !!! 加埋有 20 個, 多謝晒 !!!
哈哈
點解 Brittany 領獎個樣真係呆呆咁既?
係咪太緊張呢…..
Mammy : 剛剛瞓醒嘛 ^^
Cherryll: Bri Bri 真係未睡醒咁拎獎囉!!!
仲要之後張張相都係呆呆又魂遊咁—-> 我成日都係咁!!@0@
CONGRATULATIONS TO Bri Bri , Daddy & Mammy =]
Mammy : 咁你點解成日都去遊魂呀 @_@
哈哈, 睇到 Brittany 同同學仔握手張相時笑咗 因為佢個樣好呆呀。 😀
Mammy : 兩個同學仔都好攪笑呢 XDDD
獅子王慶典..我覺得好悶,,我去咁多次disney..睇埋唔夠5次
Brittany更係非常錫身啦..人地係公主黎架麻XD”
真係睇得出Brittany未訓醒…咁呆滯既樣子很少笑 🙂
個獎座都幾靚喎
Mammy : 好悶咩 ?? 幾好睇喎 …. 可能 5 次太多啦 ^^
點解brib bri真的木無表情……同一天可以去埋迪迪尼……一定累透了~~
Mammy : 應該都係啦 ^^
哈哈..Brittany訓醒後,真係好呆..同係disneyland玩果時好大分別….Brittany佢扲呢個獎開唔開心呀??
Mammy : 開心架, 不過好似我同 Daddy 開心 D ^^
HAHA~~ Brittany未訓醒呆下呆下個樣真係好好笑…..
好似都唔知做緊乜咁 XD
Mammy : 🙂
好開心呀…..恭喜晒……每一個獎對於小朋友0既成長都好有幫助0架…..繼續努力呀!!
Mammy : 多謝嘈媽媽 !!
未訓醒既brittany好可愛呀~ XD
佢當時可能唔知自己做梗乜… 有點可惜~
不過brittany咁醒目一定會有好多機會攞獎~
佢係唔係第一次攞獎?
Mammy : 攞獎座都係第一次咋 !
唔單止換左衫, 係咪mammy 連襯衫既bow 都帶埋去!! 果然有fashion sense!!
brittany 最後0個幾張真係好呆, haha. 不過真係好叻女, 加油加油!
Mammy : 哈哈 >>> 今次連襯衫既bow 都帶埋去既係 Daddy 呀, 我都冇份去 🙂
Brittany真係好叻女呀!! Brittany領獎個時咁呆滯…不如下一篇blog訪問番Brittany既得獎感受呀, 哈哈!!!
Mammy : 都好噃 =)
看著鍾晴領獎的呆滯照,不禁笑了
平時對著daddy mummy表情多多的小人兒,畢竟還是個年幼的小薯仔XDDD
還需你們多多栽培啊~~~~>﹏<
Mammy : 我地會繼續努力架啦 !!!
好叻喎!! 但……Brittany個樣好呆, 好攪笑啊!!! 幾時一齊入廸士尼玩呀?? ^v^
Mammy : 你地話啦 ^^
我都覺得你地好識教Brittany, 係一對好好既父母.. 自己做左媽咪之後更加覺得教育小朋友真係要好有心機同耐性.. 你地好叻呀~~
Mammy : 你過獎啦, 你都一定得架, 加油呀 !!
Brittany去樂園玩.. 笑得好甜好開心.. 但點解拎獎時唔笑既??
我好鍾意Brittany笑個樣呀!! 好靚女呀 ^^
Mammy : 都仲未回魂 @_@
如果我係老師, 我一定會好開心有個咁靚又乖又叻既學生。
Mammy : 邊係呢, Cathy 老師 ^^
鍾晴真的叻叻呢!
Mammy : 你過獎啦樂晴媽 ^^
唏, 當年娜娜表哥又是在貴校的高級畢業禮中奪得常識獎架, 我這個作E媽的, 看見個姨娚上台攞獎(的錄影帶)時, 眼角也泛淚光啦!! 好戥你們高興呀, 希望娜娜都可以俾我賞下這種眼泛淚光的滋味!!
Daddy : 多謝Keona ma!娜娜貢叻女,有排你’泛’喎!XD